"Irun herri asko da.
Hasieran, Irun ezagutu aurretik ere, gustuko ez nuela sinetsita nengoen. Motzen haritik. Ergelen modura. Zorionez, hanka sartzeko aukera izan nuen. Eta Irunen porturatu, eta ezagutzen hasi, oraindik ere gustatzen ez zitzaidala pentsatzeko. Batzuetan naizen ergelaren modura, birritan ere dastatu behar izan nuen. Aski ez, eta hirutan.
Apurka, Irun zen Irun anitza hurbiltzen joan zitzaidan, eranzten eta biluzten, azalez eta haragiz. Iruneko ertzak, hamaika ertz lausoak, zaharrak, sortuberriak. Mendi bezain itsaso, Nafarroa bezain Hondarribia bezain Hendaia, harro bezain umil, gorri bezain beltz bezain zuri. Egunsentiak eta iluntzeak Iruneko ertzak dira, Txingudiko ertz hutsak eta osoak.
Ertza izan zen Eguzkitza BHI. Ertzetik ekarri zituen sekretuak eta aitortzak. Gehien balio dutenak. Espero ez direnak. Ertzetik erakutsi eta irakatsi zizkidan. Zizkigun. Eta Irunik Irunena ezagutzera gonbidatu.
Itzuliko ez naiz ba Irun horretara! Irun horietara! Edo ez, beharbada itzuli ez. Joaten ez dena nola bueltatuko da ba?
Eskerrik asko eta laster arte!"
iruzkinik ez:
Argitaratu iruzkina